Запознајте ја Надежда Шодан, или како што ние сакаме да ја наречеме нашиот food guru. Нане ја знаеме поодамна и секогаш ја памтиме по смирената и добра енергија. Дипломирана новинарка вљубена во храна, со огромно трпение и посветеност во сите рецепти кои ги припрема. На наше големо задоволство, Нане ќе нѐ пушти да ѕирнеме во нејзината кујна и да уживаме во нејзините рецепти.
![](https://urma.mk/wp-content/uploads/2022/03/nadezda-shodan.jpg)
Има ли нешто подобро од бурата? Уникатно, кремасто, експлозивно сирење, кое ако го спремите на овој начин, ќе ви стане омилено.
Сочни, лепливи доматчиња, ароматично масло, крцкав леб и бурата
Потребно е:
- 200-250 грама шери доматчиња
- 2-3 чешниња лук
- Врзоп босилек
- Лимон
- Екстра девствено маслиново масло
- Балсамико оцет
- Тостирани пињоли
- Бурата
- Багет леб
Загрејте ја рерната на 180 со фен. Доматчињата измешајте ги со лукчето, лажица маслиново, сол и бибер и ставете ги во рерна 45 минути. Последните 5 минути прелијте ги со лажица балсамико оцет.
Во меѓувреме, направете го маслото од босилек, со тоа што ливчињата босилек, кора од 1 лимон, сок од половина лимон и 5-6 лажици маслиново ќе ги изблендирате со рачен блендер.
![](https://urma.mk/wp-content/uploads/2022/03/urma-recept-fotka.jpg)
Послужете во длабока чинија, прво од доматите, врз нив буратата, која ќе ја зачините со малку сол, црн бибер, ароматично масло, тостирани пињоли и уште некое ливче босилек.
Добар апетит!
Сакате да видите видео од рецептот? Ве чекаме на нашиот Instagram профил: @urmaconceptstore 🤗