Key Molecule Лосион за сува кожа

Дејство и придобивки
AHA киселините делуваат на два слоја на кожата — епидермисот (површниот слој) и
дермисот (подлабокиот слој).
На нивото на епидермисот, поради својата хигроскопност (способност за врзување на
вода), овие киселини го зголемуваат степенот на хидратација, ја спречуваат абнормалната
хиперкератоза (задебелување на површинските клетки), ја намалуваат нивната кохезија и
ја поттикнуваат десквамацијата (лузењето на мртвите клетки), со што се стимулира
обновувањето и регенерацијата на епидермисот.
Во подлабоките слоеви, тие ја стимулираат синтезата на колаген и
гликозаминогликани, меѓу кои најзначајна е хијалуронската киселина.
AHA киселините се сметаат за мултифункционални активи — ја обновуваат зрелата
кожа со забавен клеточен циклус и го спречуваат задебелувањето на површинските слоеви,
со што порите остануваат чисти, тенот изедначен, а кожата добива свеж и здрав изглед.
Во овој лосион, млечната киселина ја зголемува способноста на кожата да врзува вода и
позитивно влијае на нејзината еластичност.
PHA киселините претставуваат понова генерација хидрокси киселини кои предизвикуваат
многу помала иритација и затоа се идеални за чувствителна кожа.
Во формулата е присутен глуконолактон, кој е особено погоден за сува и чувствителна
кожа. Тој ја зголемува влажноста, ја прави кожата мазна, и делува заштитно на
површинскиот слој, спречувајќи ја загубата на вода. Дополнително, глуконолактонот
има антиоксидативна активност, ги штити клетките кои продуцираат колаген од UV
зрачење и се смета за ефикасен агенс во борбата против фотостареењето.
За да се избегне иритација од киселините, во производот се додадени пантенол (познат по
своето регенеративно дејство) и бизаболол — активна состојка на камилицата со силно
смирувачко дејство.

Клучни состојки
Млечна киселина – AHA киселина со поголем молекул, погодна за сите типови кожа,
особено чувствителна, бидејќи не продира длабоко во дермисот и има низок потенцијал за
иритација. Ја зголемува влажноста, мекоста и еластичноста на кожата, ги намалува
брчките и го одржува pH на кожата благо кисел, што го поддржува здравиот микробиом.
Глуконолактон – PHA киселина со клинички докажани ефекти во подобрување на
текстурата на кожата, изедначување на тенот и намалување на длабочината на брчките
предизвикани од фотостареење. Поседува антиоксидативно дејство, го штити колагенот
од оштетување и ја зголемува хидратацијата, притоа штитејќи ја кожната бариера од
исушување.
Ниацинамид (витамин B3) – моќен антиоксиданс кој ја подобрува еластичноста на
кожата, го намалува создавањето на себум, ги намалува акните и хиперпигментациите и ја
прави кожата посјајна и уедначена.
Пантенол (провитамин B5) – хидратантна и регенеративна состојка која врзува вода, го
спречува нејзиното испарување и ја смирува кожата.
Бизаболол – природна состојка од камилица со изразено смирувачко дејство, идеална за
иритирана и чувствителна кожа.
Уреа – една од клучните компоненти на природниот навлажнувачки фактор (NMF), со
висока способност за врзување и задржување на вода. Ја зајакнува кожната бариера и ја
зголемува отпорноста на надворешни штетни фактори.

Состојки (INCI):
Aqua, Aloe Barbadensis Leaf Extract, Panthenol, Lactic Acid, Gluconolactone, Propylene
Glycol, Niacinamide, Polysorbate 20, Chamomilla Recutita Flower Extract, Urea, Benzyl
Alcohol, Dehydroacetic Acid, Bisabolol, Sodium Hydroxide.

Начин на употреба:
На исчистена кожа нанесете го лосионот еднаш дневно со памучен тампон со нежни
движења, без триење на кожата и избегнувајќи ја областа околу очите.
Потоа продолжете со вашата вообичаена рутина за нега.

Она што треба да го знаете:

pH вредност: 3.5–3.8
Без алкохол, синтетички мириси и бои

Напомена:
При употреба на лосионот може да се појави краткотрајно благо црвенило или чувство
на пецкање, што е нормално при навикнување на кожата на хемиски пилинг.
Не користете го на оштетена или воспалена кожа, ниту за време на третман со
ретиноиди.
Доколку се користи наутро, задолжително нанесете SPF заштитна крема.
Не е наменето за деца. Само за надворешна употреба.